Sulettamain var 194’000 persunas han sustegnì l’iniziativa da l’UNIA, passa 335’000 han mess in na en las urnas. Il pli grond sustegn ha l’iniziativa anc survegnì en las citads da Turitg e da Winterthur. La participaziun a la votaziun è stada tar 62%.
La cussegliera guvernativa turitgaisa Carmen Walker Späh è cuntenta ch’il suveran ha refusà l’iniziativa da l’UNIA. In gea avessi periclità plazzas da lavur. Il medem mument ha la cussegliera punctuà, che la regenza turitgaisa prendia serius il problem dal dumping da pajas.
RR Novitads 17:00