Cun Genevra e Basilea sin plazza 9 e 10 sa chattan duas ulteriuras citads svizras tranter las meglras 10 en la cumparegliaziun internaziunala. La citad da Berna suonda sin il 14avel plaz. Quai resulta d'in studi da cumparegliaziun internaziunal per «Expats» ch’è gia vegnì publitgà per la 21avla giada.
Vienna è il numer 1
La citad da Vienna defenda la posiziun 1. Davos Turitg suondan Minca, Auckland e Vancouver ex aequo sin il terz plaz. Sin l’ultim plaz suonda sco gia ils ultims onns la chapitala iracaisa Bagdad.
Resguardà plirs facturs
En tut èn 231 citads grondas vegnidas valitadas. Per valitar la qualitad da viver han ins analisà 39 facturs ch’èn impurtants dal punct da vista dals «Expats», tranter auter la segirezza persunala.
RR novitads 12:00
