Ils ospitals da Turitg engrazian a la populaziun ch'ella contribueschia sia part per reducir las novas infecziuns da corona. La raschun è ch'il dumber da las pazientas e dals pazients da corona sin las staziuns intensivas è vinavant ì enavos da 50% il schaner, sin actualmain 20%.
Tuttina sajan las staziuns intensivas il mument occupadas per prest 100%, uschia l'associaziun dals ospitals. Uss stoppian numnadamain vegnir prendidas suenter las operaziuns spustadas. Uschiglio saja per part da quintar cun grevas consequenzas. Perquai saja impurtant che las infecziuns restian bassas.
Situaziun actuala
L'uffizi federal da sanadad ha registrà 1'131 novas infecziuns aifer in di. 25 da quellas en il Grischun. La media dals ultims 7 dis è cunquai tar 994 cas in minus da 12% cumpareglià cun l'emna passada. Il BAG annunzia plinavant 14 ulteriurs mortoris e 43 novas ospitalisaziuns.
En ils ospitals grischuns sa chattan il mument 13 persunas, quatter damain ch'il di avant.
Ord l'archiv:
Il matg da l'onn passà ha l'emissiun da Vita e cretta tractà la dumonda, quant ch'ina vita vala.
