Siglir tar il cuntegn
cuntegn

Svizra Turitg stritga agid social per fugitivs

En il chantun Turitg na datti en avegnir nagin agid social pli per fugitivs ch'han il dretg da star provisoricamain en il chantun.

Asilant ch'emprenda tudestg.
Legenda: 5'600 persunas èn pertutgadas da questa midada. Keystone

Cun ina clera maioritad han ils Turitgais approvà il project che prevesa che fugitivs ch'han il dretg da star provisoricamain en il chantun survegnan be pli ina tariffa da l'agid d'asil. Quella è però marcantamain pli bassa.

Ils pertutgads

Pertutgads da questa midada èn 5'600 persunas che vegnan oriundamain da la Siria, Afganistan u Irac en Svizra. Lur dumonda d'asil è vegnida refusada. Pervi da la situaziun en lur patria na pon els dentant betg turnar enavos. Ils blers dad els dastgan els perquai restar per adina en Svizra.

Chantun spargna var 10 milliuns

L'argument da la Partida populara svizra, Partida liberaldemocratica svizra e l'Uniun democratica federala era che talas persunas na fan nagins sforz pli per chattar ina lavur ed era l'integraziun na vegn betg sviluppada perquai ch'els pon gia viver fitg bain da quest sustegn.

Il chantun Turitg po uschia spargnar radund 10 milliuns francs l'onn. Fin uss han els cun quest sistem stuì pajar a quellas persunas 10 onns l'agid social.

RR novitads 15:00