La procura publica da Turitg ha accusà in um che duai esser in traffitgant d'umans. Ad el vegn renfatschà d'avair manà ina rait da prostituadas en l'entira Svizra. L'accusà che ha 32 onns duai avair carmalà en Svizra dunnas da l'America dal sid, e suenter explotà ellas. El sez deriva da l'America dal sid. Per ch'ellas vegnian en Svizra, haja el dà da crair fatgs fallads.
En Svizra haja el laschà viver las dunnas en il chantun da Turitg ed Argovia. Las dunnas han illegalmain lavurà per il servetsch d'escort da l'um, e pliras hajan stuì dar gì ina gronda part da lur gudogns. Las cundiziuns per la lavur da sex ha l'um dà avant a las dunnas. Plinavant ha l'um emploià plirs chauffeurs illegals.
Quai ha la procura publica da Turitg scrit en ina communicaziun a alas medias. La procura publica pretenda ch'il um saja da sentenziar pervia da traffic uman, promoziun da prostituziun e cuntravenziun cunter la lescha d'esters e d'integraziun. El confessa en principi ed è en arrest.
