Svizra - Tuts duain pajar tuttina bler en cassa da pensiun
En Svizra duain tuts assicurads pajar medem bler en la cassa da pensiun. Quai independentamain da la vegliadetgna. L’uniun «Workfair 50 Plus» ha lantschà in’inziativa dal pievel correspundenta.
L’iniziativa da «Workfair 50+» duai cunzunt proteger meglier emploiads pli vegls da vegnir relaschads perquai che las firmas stoppian pajar dapli en la cassa per els. Ozendi dependan las contribuziuns a la cassa da pensiun da la vegliadetgna.
«Workfair 50+»
Avrir la boxSerrar la box
«Workfair 50+» è tenor atgnas indicaziuns in’uniun d’utilitad publica e politicamain independenta. L'uniun s'engascha principalmain per persunas senza lavur e persunas periclitadas da perder la lavur ch'èn sur 50.
