Svizra - Tuts vulan charrar sco emprims cun il tren tras la NEAT
Ils 1'000 bigliets per ils dus trens d'avertura dal tunnel da basa dal Gottard èn davent. 160'000 persunas èn s'annunziadas per la concurrenza per bigliets per ils dus trens ch'inaugureschan l'entschatta zercladur il tunnel da basa dal Gottard. Ils organisaturs discurran d'ina cifra impressiunanta.
Passa 160'000 persunas èn sa participadas a la concurrenza per mintgamai dus bigliets. La sort ha decidì, quai communitgescha l'Alp Transit Gottard SA. Las 500 victuras e victurs derivan da tuttas parts dal pajais, tranter els era 5 Svizzers a l'exteriur.
En ils dus trens d'inauguraziun dastgan sper las 1'000 persunas ord la populaziun era duas classas da scloa. Ils giasts envidads fan pir suenter lur viadi tras il tunnel da 57 km lunghezza.
L'avertura uffiziala è l'emprim da zercladur 2016.
