Siglir tar il cuntegn
cuntegn

Svizra Tuttina blers daners per il turissem svizzer

Il Cussegl naziunal vul sustegnair la promoziun da la Svizra dal 2016 fin 2019 cun passa 370 milliuns francs, e suonda uschia al Cussegl federal.

Turists a l'ur dal Lai dals Quatter Chantuns.
Legenda: La promoziun decidida duai era procurar per dapli turists en lieus sco Lucerna. Keystone

Tar la promoziun dal turissem na vul il Cussegl naziunal naginas scursanidas. Svizra Turissem survegn ils proxims 4 onns en tut passa 220 milliuns francs.

Per promover innovaziun, collavuraziun e creaziun da savida en il turissem, ha il Cussegl naziunal la fin finala approvà 30 milliuns francs, 10 milliuns dapli ch'ils davos 4 onns.

Scursanir vul il Cussegl naziunal dentant tar l’e-government, la pussaivladad da liquidar affars administrativs sin via electronica. La fatschenta va uss en il Cussegl dals chantuns.

RR Novitads 15:00