Tenor Unia dependia la qualitad da servetschs fitg da las cundiziun da lavur correspundentas. Perquai ha il sindicat definì en set tesas las premissas per «bunas» cundiziuns da lavur:
- segirada da cundiziuns da lavur cun in contract collectiv da lavur
- rinforz da la scolaziun
- cundiziuns da basa politicas adequatas
- protecziun da stress e memia lungs temps da lavur
- respect dals dretgs da sindicats al plaz da lavur
- egualitad da las pajais
- cumpatibilitad da famiglia e lavur
Furmas da lavur cumplettamain novas sco problem
Ina spina en l’egl dals sindicats èn novs models da fatschenta ch’èn naschids tras la digitalisaziun. Grazia a tecnologias novas pon clients numnadamain nizzegiar servetschs directamain sur plattafurmas en la rait.
Oravant tut l’industria da transport e la hotellaria èn pertutgads da questa midada. Qua datti servetschs sco UBER u Airbnb che vegnan discutads cuntraversamain. Tenor l’Unia na resguardian questas fatschentas betg las prescripziuns giuridicas valaivlas citads u chantuns.
RR novitads 20:00