Svizra - UBS augmenta gudogn net per 79% sin 1,3 milliardas
En l'emprim quartal ha l'UBS fatg in sprun enavant. Cumpareglià cun l'onn passà han els fatg 79% dapli gudogn, quai communitgescha l'UBS. Il motiv principal da l'augment èn bunas fatschentas èn la fatschenta centrala da l'administraziun da facultad sco er l'investment banking.
Il quartal en l'onn avant è dentant stà fitg flaivel. La banca aveva fatg in gudogn da 707 milliuns francs quai ch'è sta il mender resultat dapi il 2013. Uss ha la banca pudì metter tiers. Il megler e stà l'Investmentbanking. Là haja la banca fatg 90% dapli gudogn, numnadamain 480 milliuns.
L'UBS mantegn vinavant sia finamira da reducir ils custs fin la fin da l'onn per 2,1 milliardas francs. Sin la fin da mars ha la banca gia cuntanschì 1,7 milliardas francs da questa finamira.
