Siglir tar il cuntegn

Header

Navigaziun

bajetg da UBS.
Legenda: Acziunaris profiteschan cun pli auta dividenda dal gudogn da la UBS da l'onn passà. Keystone
cuntegn

Svizra UBS cun gudogn da bunamain 5 milliardas dollars

Durant l'entir onn da fatschenta 2018 ha la UBS gudagnà marcant dapli ch'il onn avant. La banca gronda ha dentant manchentà l'ultim quartal las aspectativas dals experts da bursa.

La banca UBS ha gudagnà pli pauc che spetgà l'ultim quartal da l'onn 2018. Da l'october fin december ha la banca gronda fatg in gudogn net da 696 milliuns dollars. Las aspectativas dal martgà n'èn uschia betg vegnidas accumplidas. Per il quartal cumenzà èn perquai las prognosas da la banca er plitost reservadas.

L'entir onn 2018 ha la banca fatg in gudogn da 4,9 milliardas dollars. Quai èn 4 milliardas dapli ch'il 2017. Sco quai che la banca communitgescha, duain ils acziunaris profitar dal gudogn cun ina dividenda che vegn augmentada da 65 sin 70 raps.

RR novitads 08:00