Siglir tar il cuntegn
Inhalt

Svizra UBS: Damain paja per il schef Ermotti

Il schef da la banca gronda UBS, Sergio Ermotti, ha gudagnà l’onn passà var 600'000 francs damain che l'onn 2015. La raschun sajan stadas bunificaziuns pli bassas.

Sergio Ermotti.
Legenda: Sergio Ermotti ha survegnì l'onn passà damain bunificaziuns. Keystone

La paja da Sergio Ermotti è sa reducida per 600’000 francs sin 13,7 milliuns francs. L’onn avant eran quai anc 14,3 milliuns francs. La raschun sajan stadas bunificaziuns pli bassas. Quai resulta dal rapport da gestiun che la banca ha publitgà.

Totalmain han ils emploidas da l'UBS obtegnì bunificaziuns da 2,9 milliardas francs. Quai èn 17% damain che l’onn 2015.

Il gudogn da la UBS è l’onn avant sa reducì da 6,2 sin 3,2 milliardas francs. Motiv per las midadas èn reservas per contraversas giuridicas sin il martgà d’immobiligas en ils Stadis Unids da l’America.

Ils acziunaris ston anc approvar las bunificaziuns a lur radunanza generala.

RR novitads 08:00