Per la banca gronda svizra UBS fiss in bancrut da la Grezia in «cas supportabel». Ins fissi preparà sch'il pajais en la crisa na fiss betg pli abel da pajar, ha ditg il president Axel Weber envers la «Neue Zürcher Zeitung». Quests ristgs haja la banca gia daditg sminuì.
Dapli quitads fetschia el però pervi da las consequenzas da la politica da tschains negativs en Svizra. Quai stgaffeschia stimulaziuns falladas per ils spargnaders e las cassas da pensiun, uschia Weber. Ils tschains bass, per part era negativs mainian quels en investiziuns pli ristgadas.
