La banca gronda UBS ha sco spetgà betg pudì cuntanschar ils buns resultats da l’onn avant. Sco quai che l'UBS communitgescha saja la raschun per quest resultat surtut damain entradas cun l'investment-banking e l'administraziun da facultad.
Il gudogn dal concern da la banca è sa sminuì il 2016 en cumparegliaziun cun 2015 per 2,9 milliardas. L'onn 2015 aveva l'UBS però profità da bunificaziuns da taglia.
Plinavant frainian ils programs da taglia vinavant las activitads dals clients. Surtut en il Stadis Unids da l'America hajan ins però puspè observà ina fidanza creschenta dals investiders.
RR actualitad 07:00