Tschintg bancas grondas ston pajar ina multa da pli ch'ina milliarda – la UBS mitscha dentant. La banca svizra ha profità dal fatg ch'ella ha scuvrì il cartel en connex cun fatschentas da stgomi tranter auter en euro, dollar american e franc svizzer.
Bancas han barattà datas sensilblas
En la crisa mundiala davent dal 2008 han las bancas cun fatschentas da stgomi e manipulaziun dal curs da tschains chaschunà considerabels donns. Las tschintg bancas ston ussa pajar ina multa da total 1,07 milliardas euro (1,2 milliardas francs). La cumissiun da concurrenza da l'UE ha decretà la multa vers las bancas:
- Citigroup – 311 milliuns euro
- Royal Bank of Scotland RBS – 249 milliuns euro
- JP Morgan – 229 milliuns euro
- Barclays – 210 milliuns euro
- Mitsubishi UFG - cnap 70 milliuns euro
La gronda part dals commerziants da banca enconuschevan in l'auter persunalmain. Els vivan era tuts ad Essex, ina regiun en il nordost da Londra, e sa scuntravan en in tren vers Londra.
RR novitads 16:00