Il medem quartal avant in onn aveva la banca UBS anc nudà in gudogn da passa duas milliardas francs, communitgescha la banca gronda. Dentant avevan bunificaziuns da taglia laschà guardar ora quest quint in pau meglier. Quest onn sto la banca pajar en il terz quartal taglias da 49 milliuns francs.
Sch'ins guarda il resultat avant che pajar taglias è il gudogn da l'UBS sa megliurà per 11% sin 877 milliuns francs. Motiv per quai è che la banca ha quest onn fatg pli paucas reservas per p. ex. cas giudics. L'onn passà eran quai anc 818 milliuns, quest onn mo 477 milliuns.
RR novitads 07:00