Siglir tar il cuntegn
Inhalt

Svizra UBS surpassa las spetgas

En il segund quartal ha la banca gudagnà dapli ed ha surpassà las spetgas. L'institut è optimistic, avertescha dentant da las consequenzas geopoliticas e dal protecziunissem creschind.

Purtret dal logo da l'UBS.
Legenda: L'UBS ha fatg dapli gudogn en il segund quartal dal 2018. Keystone

La UBS ha fatg en il segund quartal dal 2018 in gudogn net dad 1,28 milliardas francs, il medem temp da l'onn avant eran quai anc 1,17 milliardas. Las spetgas dal martgà en cun quai vegnidas surpassadas.

Entradas ed expensas pli autas ch'il 2017

Las entradas èn sa sviluppadas a moda plaschaivla, sco quai che la banca scriva. La rendita è creschida da 7,27 milliardas sin 7,55 milliardas. Dentant èn era las expensas s'augmentadas. Quai da 5,77 sin 5,88 milliardas. Il CEO da l'UBS, Sergio Ermotti ha declerà ch'el saja cuntent cun il segund quartal.

RR novitads 07:00