Siglir tar il cuntegn
Inhalt

Svizra UBS sut la marella – puspè

Tenor insiders prenda la banca centrala dal Singapur sut la marella la UBS. L'UBS vegnia suspectada d'avair cuntrafatg a las regulaziuns davart il lavar daners tschuffs.

Il logo da la UBS sin il tetg da la sedia centrala da la banca a Turitg. Ins vesa las cazzolas da l'etascha il pli sisum dal bajetg èn illuminadas. Il tschiel è grisch. Il rest dal bajetg na vesan ins betg.
Legenda: L'UBS sut la marella. Keystone

I giaja per transacziuns dal fondo statal da la Malaisia - ch'è scurlattà da scandals.

Sa verifitgeschia la reproscha stoppia l'UBS quintar cun chastis. En connex cun il scandal davart il fondo statal malaic han las autoritads svizras il davos serrà la banca tessinaisa BSI. A la BSI vegn reproschà d'esser stada involvida en transacziuns dubiusas dal fondo statal malaic.