La Svizra ed en spezial la plazza da finanzas Turitg pon puspè quintar cun entradas da taglia da la banca UBS. La banca ha confermà in artitgel en il Tages-Anzeiger ch'ella veglia pajar per l'onn 2015 taglia sin gudogn.
Las autoritads avevan quintà che la banca paja pir il 2017 puspè questa taglia. Dapi il 2008, suenter che la crisa da finanzas ha cumenzà, n'ha la banca betg pli pajà taglia sin gudogn. La finamira da questa regla era che la banca possia sa restabilir.
