Il manader dal servetsch da spiunadi da la Confederaziun ha admess sbagls en connex cun la guerra en l'Ucraina. «Nus avain sutstimà la prontezza da ristgar da president Putin», ha Christian Dussey ditg envers la «Neue Zürcher Zeitung» e «Le Temps».
En il futur duai il servetsch analisar meglier las intenziuns d'adversaris. Quai saja in'incumbensa difficila: Manaders da regenzas en pajais autoritars sajan per part betg infurmads bain. Er Wladimir Putin haja duvrà falladas infurmaziuns avant sia attatga cunter l'Ucraina.
Dussey ha ditg ch'il servetsch haja avertì d'ina guerra en l'Ucraina pliras giadas. Il servetsch vegn dentant a «formular messadis pli clers envers ils uffizis politics» en il futur.
audio
Per tadlar: las novitads da las 06:00
ord RTR Audio dals 02.03.2023.
laschar ir. Durada: 4 minutas 48 Secundas.