Siglir tar il cuntegn
cuntegn

Svizra UE fa vinavant squitsch sin bursa svizra

L'equivalenza a la bursa per la Svizra na possia il mument betg vegnir prolungada. Quai scriva il vicepresident da la cumissiun da l'UE, Vladis Dombrowski en ina brev al delegà da l'UE, Markus Ferber da la Germania.

Politicher europeic.
Legenda: Valdis Dombrowski, il vicepresident da la cumissiun da l'UE. Keystone

Il vicepresident da l'UE è s'exprimì en ina brev davart la Svizra. Quai rapporta l'agentura da novitads Reuters. Dombrowski crititgeschia il progress dals discurs manglus tranter la Svizra e l'Uniun europeica davart la cunvegna da basa. Il mument na saja il svilup anc betg grond avunda per prolungar l'equivalenza da la bursa svizra per il temp suenter il december 2018.

Il Departament federal da finanzas ha sin dumonda da l'agentura da novitads SDA sulettamain confermà d'avair prendì renconuschientscha da questa decisiun. Er la bursa svizra SIX n'ha anc betg prendì posiziun en chaussa.

RR novitads 17:00