In tal agir na saja absolutamain betg cumpatibel cun la libra circulaziun da persunas e manass ad ina discriminaziun da burgais da l'Uniun europeica, ha ditg la cumissaria en in'intervista cun la «Schweizer Illustrierte».
UE aveva gia refusà la dumonda il 2014
Avant curt aveva la cumissiun d’instituziuns politicas dal Cussegl naziunal giavischà da prender sut la marella la favurisaziun d'indigens. En sia proposta co realisar l'iniziativa d'immigraziun n'aveva il Cussegl federal betg menziunà questa via.
Gia il fanadur 2014 aveva la Svizra inoltrà a l’UE la dumonda d’adattar la cunvegna davart la libra circulaziun da persunas a la nova disposiziun da la constituziun. L’Uniun europeica aveva però refusà la dumonda e fatg cler che limitaziuns e contingents sco er la favurisaziun d’indigens stettian en «cuntradicziun fundamentala» cun la cunvegna davart la libra circulaziun.
RR novitads 12:00