Siglir tar il cuntegn

Header

Navigaziun

Purtret d'ina tabla cun scrit si il logo dals medis senza cunfin.
Legenda: 10 organisaziuns, tranter auter er Médcins Sans Frontières, na survegnan nagins daners pli da l'Uniun europeica. Keystone
cuntegn

Svizra UE stritga daners per 10 NGO's svizras

La cumissiun da l'Uniun europeica ha communitgà a 10 organisaziuns nunguvernamentalas ch'els na pajan nagins daners pli per agid umanitar en regiuns da crisa.

Ins haja examinà la collavuraziun e vegnia a la conclusiun che la basa legala na bastia betg pli, ha communitgà la cumissiun da l'UE curt avant Nadal. Perquai na dettia nagin sustegn pli per novs projects dad organisaziuns nunguvernamentalas da la Svizra e quai a partir dal prim da schaner 2019.

Organisaziuns sco Caritas Svizra, Mèdecins Sans Frontières Svizra u World Vision pudevan fin ussa finanziar lur acziuns en regiuns da catastrofa er cun contribuziuns europeicas. L'onn passà cun passa 50 milliuns euros.

RR Novitads 06:00