Sin questa glista èn stadis terzs ch’han tenor avis da l’Uniun europeica reglas memia pauc severas cunter lavada da daners e la finanziaziun da terrorissem. En tut èn 23 stadis sin la glista da l’UE, tranter auter l’Iran, l’Arabia Saudita u la Tunesia. Quels pajais vegnan supplitgads da reglar uschè svelt sco pussaivel lur deficits.
Enfin uss aveva l'UE duvrà tar la lavada da daners ina glista da stadis cun in aut ristg da la «Groupe d'action financière», ina gruppa da lavur internaziunala che sa fatschenta cun il cumbat cunter lavada da daners e la finanziaziun dal terrorissem. Al parlament da l'UE n'è questa glista dentant betg stada severa avunda, el ha pretendì in'atgna glista da l'UE.
La Svizra era pervi da sias aczias al purtader sin la glista. Damai ch'ils acziunaris èn tar quellas anonims, po quai sut circumstanzas promover l'omissiun fiscala.
RR novitads 16:00