Siglir tar il cuntegn

Header

cuntegn

Svizra Ueli Maurer declera l’urden da finanzas 2021

Quasi dus terzs da las entradas da la Confederaziun derivan da la taglia federala directa e da la taglia sin la plivalur. Las duas taglias spireschan la fin dal 2020.

Ils 4 da mars decida il suveran svizzer sch'el vul prolungar las duas taglias per ulteriurs 15 onns u betg. Il minister da finanzas federal, Ueli Maurer, ha declerà la fatschenta avant las medias. La dumonda centrala è per el sche la Confederaziun po ademplir era en l’avegnir las lezias ch’ella ha survegnì.

Tge capita tar in «na»?

Sch'il pievel di «na» a la prolungaziun da las duas taglias, stuess la Confederaziun reducir sias entradas entaifer pauc temp per passa 60% u chattar novas entradas en la medema dimensiun. Tenor Maurer è quai strusch da dumagnar. El ha suttastritgà che las impostas na creschian betg cun l’urden da finanzas 2021.

Entradas impurtantas

La taglia sin la plivalur e la taglia federala directa èn las funtaunas d’entradas las pli impurtantas da la Confederaziun. Ellas fan ora circa dus terzs da tut las entradas. L’onn 2016 ha la taglia federala generà bundant 21 milliardas francs e quella sin la plivalur bunamain 22,5 milliardas francs.

RR novitads 16:00

Artitgels legids il pli savens