Siglir tar il cuntegn

Header

Navigaziun

cuntegn

Svizra Ueli Maurer ed il 2019 – tranter vatga e telefonin

Ueli Maurer, il president dal Cussegl federal 2019, vul colliar las valurs svizras tradiziunalas cun l'avegnir. En pled e maletg fa el quai cun dus simbols: Cun vatga e telefonin.

Legenda: Tadlar il audio Pled da Bumaun dad Ueli Maurer, president dal Cussegl federal 2019. Durada 03:24 minutas.
03:24 min, Actualitad dals 01.01.2019.

En ses pled da Bumaun ha ditg il president dal Cussegl federal 2019, ch'i saja necessari per l'avegnir da guardar avant en il passà – quai manegia Ueli Maurer dentant betg be per sai sez, mabain era per la Svizra:

En in temp uschè commovent ristgain nus savens che nus perdain il terren sut ils pes.
Autur: Ueli Maurerpresident dal Cussegl federal 2019

Las valurs svizras hajan las Svizras ed ils Svizzers acquistà ensemen: Quai sajan la democrazia directa, la democrazia, il federalissem, la modestadad, la capacitad e la punctualitad. Sin quai dastgia la Svizra esser loscha, ellas furman la basa per la bainstanza dal pajais.

Prender il telefonin, dentant betg emblidar la vatga

Sco simbol en pled e maletg è Ueli Maurer sa decidì per ina vatga che simbolisescha la tradiziun, la derivanza e las valurs communablas. Da l'autra metta el il telefonin per la midada rasanta da la societad, il progress tecnologic e per la grond schanza e pussaivladad en la vita privata.

Ueli Maurer
Legenda: Pled da Bumaun dad Ueli Maurer, prsident dal Cussegl federal 2019 Keystone
RR actualitad 12:00