Quel aveva en ses emprim pled sco president en il congress american mess la Svizra en il medem truclet sco las inslas Cayman e Bermunda. Il cusseglier federal Ueli Maurer ha dentant refusà immediat questa pretensiun e tramess in scriver a la regenza americana.
La Svizra sa tegnia vid sias obligaziuns
La Svizra saja in pajais transparent, ch'adempleschia cumplainamain sias obligaziuns internaziunalas, uschia Ueli Maurer en in'intervista cun SRF.
Jau na crai betg che quai è la posiziun uffiziala da la regenza americana.
Latiers ha Maurer dentant er declerà, ch'el na craja betg ch'i sa tractia dad ina posiziun uffiziala da la regenza americana, mabain che Biden haja simplamain prelegì in pled che ses auturs hajan scrit, senza savair ils fatgs actuals.