Siglir tar il cuntegn

Header

cuntegn

Ueli Maurer «Quasi tut ils viadis èn stads qua per chattar alliads»

Il president da la Confederaziun partent, Ueli Maurer ha accentuà durant la conferenza da medias per la fin da l'onn ses viadis ch'el ha fatg en l'exteriur.

Quasi tut las visitas han gì la finamira da chattar alliads per il project da refurma da taglia da l'OECD.
Autur: Ueli Maurer President da la Confederaziun

«Nus avain uss pudì construir ina rait che lubescha a nus da pigliar influenza sin quest tema», ha bilantschà Maurer. El saja s'inscuntra cun mintga minister da finanzas da l'Europa e quai almain ina fin tschintg giadas. I dovria dentant ulteriurs sforzs per vegnir tar ina schliaziun raschunaivla.

Refurma da taglia da l'OECD

Avrir la box Serrar la box

Fin la fin dal 2020 vulan passa 130 stadis en il rom da l'OECD novas reglas da taglia per interpresas multinaziunalas. Il project consista da duas parts:

  1. L'emprima part prevesa che concerns ston pajar taglia là nua ch'els fan part dal martgà – er senza preschientscha fisica.
  2. Cun la segunda part duai dar ina taglia minimala per concerns.

Ueli Maurer schazegia che la Svizra perdiss uschia 0,5 fin 5 milliardas francs, eventualmain er dapli. Maurer ha er fatg ses viadis en connex cun la glista grischa da l'UE per oasas da taglia. Sin quella era la Svizra pervi dals privilegis da taglia per firmas da l'exteriur. Suenter il Gea dal pievel svizzer a la refurma da taglia ed AVS dals 19 da matg e dapi che la lescha è en vigur, n'è la Svizra betg pli sin questa glista.

Fitg buna legislatura

video
Ueli Maurer tira bilantscha
Or da SRF News dals 27.12.2019.
laschar ir. Durada: 5 minutas 11 Secundas.

Maurer ha numnà la legislatura passada «fitg buna». I saja gartegià da serrar giu projects a lunga vista en pliras spartas. Sco exempel ha Maurer numnà la gulivaziun da finanzas naziunala ed il barat da datas cun entant enturn 100 stadis.

Per avair success dovria la Svizra ina buna rait internaziunala ed ella stoppia esser abla da reagir svelt.

RTR novitads 15:00

Artitgels legids il pli savens