A Steffisburg ha brischà ina chasa da pliras famiglias la dumengia marvegl. In uffant saja mort en las flommas, communitgescha la Polizia chantunala da Berna. Pliras persunas ch’eran en la chasa èn vegnidas da fugir en il liber. Duas dad ellas èn vegnidas transportadas en l’ospital sin controlla.
La notg a las 3:30 eran vegnids alarmads polizia e pumpiers. La chasa da pliras famiglias brischavia gia cumplainamain. Persunas ch'avevan pudì han inditgà ch'ina persuna minorenna saja anc sparida. Tras il fieu cumplain n'han ils pumpiers però stuì spetgar cun la lavur da salvament e stizzar il fieu. Il fieu è lura bainprest stà sut controlla – l'uffant hani chattà mort.
La raschun per il brischament n'è betg clera – las investigaziuns marschan.
RR novitads 16:00