Per blers uffants plazzads dura la procedura per survegnir ina contribuziun da solidaritad memia ditg. I stoppia dar ina schliaziun pli svelta, ha ditg Guido Fluri envers radio SRF. Fluri represchenta ils interess da las unfrendas.
La Confederaziun reagescha uss sin la critica ed ha annunzià da vulair examinar pli spert las dumondas da las unfrendas. La Confederaziun vegn per quest intent ad impiegar persunal supplementar.
Fin la fin da mars da quest onn han unfrendas da mesiras repressivas gì la pussaivladad d'inoltrar ina dumonda per ina contribuziun da solidaritad. Da 9'000 dumondas ha la l'Uffizi federal da giustia entant examinà 2'300. En var 2'000 cas èn gia vegnids fatgs pajaments.
RR novitads 08:00
