Siglir tar il cuntegn

Header

video
Bernard Maissen è il nov directur dal BAKOM
Or da RTR Social dals 28.05.2020.
laschar ir
cuntegn

Uffizi da communicaziun Bernard Maissen è il nov directur dal BAKOM

A sia sesida dals 27 da matg 2020 ha il Cussegl federal elegì Bernard Maissen sco nov directur da l'Uffizi federal da communicaziun BAKOM. Il Grischun e Rumantsch da 59 onns lavura dapi il 2018 per il BAKOM. Sco vicedirectur maina el il mument la partiziun medias. En l'avegnir ha el l'incumbensa da realisar e da sviluppar la politica da medias e telecommunicaziun.

Maissen surpiglia sia nova funcziun il prim da fanadur 2020. Fin lur vegn il BAKOM manà vinavant ad interim dal directur substitut Philippe Horisberger. Maissen succeda a Philipp Metzger che ha midà il favrer da quest onn sco secretari general e CEO tar la Cumissiun internaziunala d'electrotecnica IEC.

Bernard Maissen

Bernard Maissen

Bernard Maissen (59) è creschì si ad Arosa, ha studegià germanistica, istorgia e schurnalissem a l'universitad da Friburg e lura lavurà en diversas funcziuns sco schurnalist e schefredactur. Avant ch'el ha midà tar il BAKOM è el stà schefredactur (2005–2017) e commember da la direcziun da l'Agentura da novitads svizra SDA. Dal 2013 fin il 2018 è el er stà commember da la cumissiun da medias federala EMEK.

Bernard Maissen ha er ina colliaziun cun Radiotelevisiun Svizra Rumantscha. El è stà schefredactur dal zercladur 2003 fin l'october 2005.

Dacurt è el stà giast en l'emissiun «Profil» dad RTR:

RTR novitads 08:30

Artitgels legids il pli savens

Scrollar a sanestra Scrollar a dretga