57 da las 71 spezias indigenas da peschs èn periclitadas, u schizunt en privel da l’extincziun. Quai mussa in studi che l’Uffizi federal d’ambient (Bafu) ha publitgà la mesemna. 43 spezias èn sin la glista cotschna – da quellas èn 9 gia mortas ora.
Il status da periclitaziun da 71 peschs e ciclostoms indigens è vegnì definì tenor ils criteris da l’Uniun mundiala da la protecziun da la natira, scriva l'uffizi federal en ina communicaziun. Ultra dals peschs sin la glista cotschna, valan 9 ulteriuras spezias sco «potenzialmain periclitadas». Mo 14 spezias vegnan classifitgadas sco «betg periclitadas».
Tenor il Bafu sa basa il giudicament sin var 70'000 observaziuns, da quellas èn 87 pertschient vegnidas fatgas en auas currentas e 13 pertschient en auas stagnantas. Questa glista cotschna revedida remplazza quella da 2007.
