Siglir tar il cuntegn

Header

cuntegn

Uffizi federal da polizia Expulsà quatter persunas pervi da contacts cun mafia

L’onn passà ha l’Uffizi federal da polizia (fedpol) expulsà quatter umens or da la Svizra. Dus dals umens eran probabel commembers da la mafia. Ils dus auters vegnan suspectads da terrorissem, scriva la «NZZ am Sonntag».

I saja l'emprima giada ch'il fedpol expulseschia persunas pervi da contacts cun la mafia. Ina pledadra dal fedpol ha confermà quellas infurmaziuns envers la SDA. Plinavant haja il fedpol decretà scumonds da vegnir en Svizra envers 15 persunas ch'èn condemnadas en l'Italia sco commembras da la mafia.

Il november aveva il Cussegl federal communitgà il plan d'acziun cunter la mafia. La mafia, cunzun la Ndrangheta saja s'etablida en Svizra, scriva la SDA. il 2016 avevan ins arrestà 15 umens ch'èn stads activs en il commerzi da drogas ed armas. Els vegnan suspectads d'esser commembers da l'organisaziun da la Calabria.

RTR novitads 17:00

Artitgels legids il pli savens

Scrollar a sanestra Scrollar a dretga