Ustarias dastgan avrir sut tschertas cundiziuns durant l'emna. Quai en il senn d'ina cantina tranter las 11:00 e las 14:00, ha communitgà l'Uffizi federal da sanadad publica.
Ir en questas ustarias dastgan mo glieud da professiun dals secturs agricultura e construcziun sco era mastergnants e persunas che lavuran sin montascha.
Ils patruns ston annunziar lur emploiads ed en las ustarias vala l'obligatori da purtar mascra – cun excepziun vid la maisa.
La cumissiun economica dal Cussegl naziunal aveva intimà il Cussegl federal d'avrir ustarias sur mezdi per persunas che lavuran ordavert.
