Las pajas en Svizra pudessan quest onn crescher marcantamain. L'Uffizi federal da statistica quinta cun in augment da 1,8% en media. Quai fiss il pli aut augment dapi il 2009. Ils pretschs creschian dentant anc pli ferm: Per il 2023 quintan experts ed expertas cun ina rata d'inflaziun d'enturn 2,5%. Uschia na purtass quest augment da paja betg la massa.
L’Uffizi federal da statistica stima il svilup da las pajas en Svizra mintga quartal. Las pajas èn creschidas l’onn passà en media per 0,9%. L’onn 2021 èn ellas sa reducidas per 0,2%.
