Siglir tar il cuntegn

Header

video
0,9% da la populaziun discurra rumantsch: In sguard sin la situaziun actuala
Or da Telesguard dals 25.01.2021.
laschar ir. Durada: 2 minutas 35 Secundas.
cuntegn

Uffizi federal da statistica Plurilinguitad en Svizra crescha levet

Duas da trais persunas sur 15 onns en Svizra pledan regularmain dapli ch'ina lingua. Uschia è la cumpart da persunas plurilinguas creschida levet il 2019. Quai en congual cun l'ultima retschertga davart lingua, religiun e cultura da l'Uffizi federal da statistica da l'onn 2014.

Englais è la lingua betg naziunala la pli derasada en Svizra. Ella vegn er emprendida il pli savens.

Il Rumantsch en Svizra

Per 0,5% da la populaziun è il rumantsch la lingua principala. Quai èn var 36'500 persunas. 0,9% da tut la populaziun dovra ella regularmain. Quai tenor cifras da l'onn 2019. Trais quarts da las Rumantschas e Rumantschs vivan en Grischun, var 10% a Turitg.

Bunamain tuts che discurran regularmain rumantsch, discurran er tudestg u tudestg svizzer. 40% dals rumantschs discurran regularmain englais. Pir lura suondan talian (28%) u franzos (20%). 60% da las persunas dumandadas vulan, ch'il rumantsch vegn promovì dapli.

audio
Linguas en Svizra: Il svilup dal rumantsch dals ultims onns
ord Actualitad dals 25.01.2021.
laschar ir. Durada: 2 minutas 59 Secundas.

In terz dals uffants èn «bilings»

Tenor la retschertga da l'Uffizi federal da statistica, vegnan 33% dals uffants sut 15 en contact cun duas linguas. 10% creschan perfin si cun trais u dapli linguas.

En general vala la regla: pli vegl ch'ins è – e pli probabel ch'igl è ch'ins dovra mo pli ina lingua. 64% da las persunas sur 75 onns dovran mo pli ina lingua.

audio
Per tadlar: curt e cumpact
ord RTR Audio dals 25.01.2021.
laschar ir. Durada: 1 minuta 8 Secundas.

RTR novitads 10:00

Artitgels legids il pli savens