Cun quest premi vegnia undrada l'ovra da la vita e l'engaschi da Markus Imhoof. Ils davos sis decennis haja Imhoof influenzà fermamain il film svizzer. Ses films scuvrian, creeschian empatia ed animeschian da reflectar. Il premi è dotà cun 30'000 francs e vegn surdà la notg da las nominaziuns per ils dis da film da Soloturn il 2021.
Markus Imhoof è naschì il 1941 a Winterthur ed ha studegià germanistica, istorgia d'art ed istorgia a l'Universitad da Turitg. Suenter ha el visità in curs da lavur da film a la scola d'art applitgà a Turitg ed ha suenter cumenzà sia carriera sco reschissur da film e scenarist. Dasper quai è el stà confundatur da firmas da producziun, docent ospitant a differentas scolas autas e commember da la cumissiun da film federala.