Siglir tar il cuntegn

Svizra Ulteriur accident tranter tren e crana

Tranter Aarau ed Olten è in tren cupitgà cun ina part d'ina crana. Quai mo paucs dis suenter in sumegliant accident.

Maletg da l'accident da sonda: in bratsch d'ina crana cupitgà en la fanestra davant dal tren.
Legenda: Gia la sonda passada era in bratsch d'ina crana cupitgà cun in tren. Keystone

Il glindesdi saira è danovamain in tren da la SBB vegnì tutgà d'ina part d'ina crana. Nagin dals raduns 200 passagiers n'è blessà. La locomotiva dal tren interregiunal Son Gagl - Basilea ha tschiffà en il chantun Solothurn ina chadaina u ina suga d'ina crana. Tenor la Polizia chantunala da Soloturn è l'accident capità al plazzal dal tunnel da Eppenberg, tranter Aarau ed Olten. Ils motivs vegnan anc sclerids.

Il donn vi dal tren saja pitschen, ha ditg in pledader da la SBB envers l'agentura da novitads SBB. Il tren haja pudì cuntinuar il viadi fin a la proxima staziun, nua ch'ils passagiers hajan pudì midar sin in tren da substituziun.

Segund accident aifer curt temp

La sonda passada era gia crudà in bratsch d'ina crana a Schinznach Bad sin in tren regiunal da la SBB. Er tar quel accident era la fanestra davant ida rutta. La locomotivista aveva gì in schoc. Passagiers n'èran nagins vegnids blessads.

RR novitads 06:00