Il cussegl federal vul suttametter al parlament in ulteriur credit supplementar da 188 milliuns francs per ils fatgs d'asil. Quai tranter auter perquai che la Svizra è confruntada cun adina dapli dumondas d'asil.
Il departament federal da finanzas ha confermà in rapport da la «NZZ am Sonntag». L'emprim semester da quest onn han 16 % dapli persunas inoltrà ina dumonda d'asil en Svizra, quai cumpareglià cun il medem temp da l'onn avant. Gia il zercladur aveva il parlament approvà in credit supplementar da 44,2 milliuns francs.
