La sedia da la SRG a Berna duai vegnir francada en la lescha, quai pretendan plirs presidents da partida da la sanestra fin a la dretga cun in'iniziativa parlamentara. Els cumbattan uschia cunter la decisiun da la SRG/SSR da dischlocar 170 collavuraturs dal studio da radio da Berna a Turitg.
Tenor la moziun duai vegnir agiuntà en la lescha da radio e televisiun, che la purschida da radio vegniss cunzunt producida a Berna e la purschida audiovisuala cunzunt a Turitg. Medemamain duain er ils studios da la Svizra franzosa vegnir resguardads en la lescha – il studio a Genevra per per purschidas audiovisualas ed il studio a Losanna per producziuns da radio.
Quai pretendan il vicepresident da la PS Beat Jahns, il president da la PBD Martin Landolt, il president da la PCD Gerhard Pfister, il president da la PPS Albert Rösti e la presidenta dals Verds Regula Rytz.
RR novitads 12:00
