Legenda:
Il success dal film da Claude Barras cuntinuescha.
Keystone
cuntegn
Svizra - Ulteriur success per ‘Ma vie de Courgette’
Il film svizzer-franzos 'Ma vie de Courgette' da Claude Barras survegn in'ulteriura distincziun. El ha gudagnà il premi europeic dal film en la categoria meglier film animà. Quai è l'emprim film svizzer che survegn quest premi.
Uschia cuntinuescha il success dal film dal reschissur vallesan che ha cumenzà al festival da film a Cannes. Dapi lura è il film stà a passa 35 festivals ed ha gudagnà radund 25 premis.
Il film animà è er nominà per in Oscar en las categorias meglier film betg englais e meglier film animà.
