Svizra - Ulteriurs 11 milliuns francs per ils fatgs d’asil
Il Cussegl federal ha lubì supplementarmain 11 milliuns francs per ils fatgs d'asil. Quels daners sajan quintads per dumagnar il grond dumber da dumondas d'asil, scriva il Departament federal da giustia e polizia
Ils daners vegnan duvrads per translaturs, per novas plazzas da lavur sco era per tschains da locaziun e custs da gestiun per alloschis supplementars. Ultra da quai ha il Cussegl federal dà l'incumbensa al Departament da stgaffir fin la fin da l’auter onn 75 plazzas supplementaras per dumagnar las bleras dumondas d'asil.
