Siglir tar il cuntegn

Header

cuntegn

Ulteriurs pajais Balearas e Belgia da nov sin glista da pajais da ristg

Tranter auter ha l'Uffizi federal da sanadad agiuntà las Balearas, la Belgia, Malta e l'India sco novs pajais cun in ristg augmentà da s'infectar cun il coronavirus. Tgi che turna dad in da quels pajais en Svizra, sco ir 10 dis en quarantina.

Medemamain da nov sin la glista èn l'Albania, Andorra, Aruba, Belize, las Inslas Feroe, Gibraltar, Guam, Monaco e Namibia. Stritgà da la glista ha il BAG la Serbia, Singapur, la Guinea Equatoriala, Sao Tomé et Principe e l'Arabia Saudita. Las novas midadas valan a partir da gievgia ils 20 d'avust 2020, ha communitgà il BAG.

Pajais da ristg tenor la glista dal BAG

Textbox aufklappenTextbox zuklappen

Questa glista vala a partir dals 20 d'avust

  • Africa dal Sid
  • Albania (dapi ils 20 d'avust)
  • Andorra (dapi ils 20 d'avust)
  • Argentina
  • Armenia
  • Aruba (dapi ils 20 d'avust)
  • Bahamas (dapi ils 8 d'avust)
  • Bahrain
  • Belgia (dapi ils 20 d'avust)
  • Belize (dapi ils 20 d'avust)
  • Bolivia
  • Bosnia ed Erzegovina (dapi ils 23 da fanadur)
  • Brasilia
  • Cabo Verde
  • Chile
  • Columbia
  • Cosovo
  • Costa Rica (dapi ils 23 da fanadur)
  • Ecuador (dapi ils 23 da fanadur)
  • El Salvador (dapi ils 23 da fanadur)
  • Eswatini (Swasiland) (dapi ils 23 da fanadur)
  • Gibraltar (dapi ils 20 d'avust)
  • Guam (dapi ils 20 d'avust)
  • Guatemala (dapi ils 23 da fanadur)
  • Honduras
  • India (dapi ils 20 d'avust)
  • Inslas Feroe (dapi ils 20 d'avust)
  • Inslas Turks e Caicos
  • Irac
  • Israel
  • Kasachstan (vala dapi ils 23 da fanadur)
  • Katar
  • Kirgistan (vala dapi ils 23 da fanadur)
  • Kuwait
  • Luxemburg (vala dapi ils 23 da fanadur)
  • Maledivas (vala dapi ils 23 da fanadur)
  • Malta (dapi ils 20 d'avust)
  • Mexico (vala dapi ils 23 da fanadur)
  • Moldavia
  • Monaco (dapi ils 20 d'avust)
  • Montenegro (vala dapi ils 23 da fanadur)
  • Macedonia dal Nord (vala dapi ils 23 da fanadur)
  • Namibia (dapi ils 20 d'avust)
  • Oman
  • Panama
  • Peru
  • Republica Dominicana
  • Rumenia (nov dapi ils 8 d'avust)
  • Sint Maarten (dapi ils 8 d'avust)
  • Spagna inclusiv Balearas e senza las Canarias (dapi ils 20 d'avust)
  • Surinam (dapi ils 23 da fanadur)
  • Stadis Unids da l'America (incl. Puerto Rico e US Virgin Islands)
  • Territori Palestinais Occupà (dapi ils 23 da fanadur)

Dapi ils 20 d'avust betg pli sin la glista:

  • Arabia Saudita
  • Guinea Equatoriala
  • Sao Tomé et Principe
  • Serbia
  • Singapur

Da nov èn cun quai 53 pajais e zonas sin la glista da pajais da ristg. Avant eran quai anc 46. Dasper destinaziuns renumadas sco ils Stadis Unids ed il Mexico, figureschan er plirs pajais da l'Europa da l'ost sin la glista, sco per exempel il Cosovo, Montenegro e Bosnia Erzegovina. La terra franca da la Spagna è gia vegnida agiuntada ils 8 d'avust a la glista, las Canarias na tutgan betg vitiers.

Cifras da corona en Svizra

Plinavant ha l'uffizi annunzià 197 novas infecziuns dal coronavirus aifer las ultimas 24 uras. Il Grischun ha ina nova infecziun. Il BAG ha er annunzià in nov mortori, uschia ch'i dat fin uss en total 1'717 mortoris.

RTR novitads 15:00

Artitgels legids il pli savens

Scrollar a sanestra Scrollar a dretga