Siglir tar il cuntegn

Header

cuntegn

Umens e dunnas Differenza da paja resta pli u main tuttina

L'onn 2018 han las dunnas en Svizra survegnì 11,5% pli pauca paja che lur collegas masculins. Cumpareglià cun dus onns avant è la differenza da la paja sa sminuida per in mez pertschient. Sch'i va vinavant en quel tempo cuzza quai 46 onns enfin che Svizras e Svizzers survegnan la medema paja.

En il sectur privat han las dunnas schizunt gudagnà 14,4% pli pauc ch'ils umens. Quai mussa l'emprima elevaziun da la structura da paja che l'Uffizi federal da statistica ha fatg.

Raschuns per differenza

La differenza da pajas possia vegnir declerada per part cun las differentas lavurs che umens e dunnas fetschian, sco l'Uffizi federal da statistica scriva. Vinavant hajan umens savens plazzas cun dapli responsabladad tge che correspunda ad ina pli auta paja. Differenzas da pajas dettia er tut tenor regiun e branscha. Las pli autas pajas dettia uschia en la branscha d'infurmaziun, en la farma sco er en il sectur da finanzas. Da l'autra vart da la stgala sa chattan emploiads dal commerzi en detagl sco er da la gastronomia e hotellaria.

6'538 francs

La paja media da Svizras e Svizzers è strusch sa midada. L'onn 2018 ha il median da paja muntà a 6'538 francs – quai vul dir che ina mesadad ha gudagnà dapli ed ina mesadad pli pauc. Cumpareglià cun l'onn avant è quai in mez punct procentual dapli.

RTR novitads 12:00

Artitgels legids il pli savens

Ir a sanester Ir a dretg