Siglir tar il cuntegn

Header

cuntegn

Unda da chalira Chalira storscha binaris da viafiers en divers lieus

La gronda chalur ha stort en divers lieus en Svizra las rodaglias da tren e disturban uschia il traffic da viafier.

Tranter Berna e Berna-Wankdorf è stà interrut il traffic da viafier er oz la damaun. Entant è il problem schlià. Quai ha communitgà la SBB. Gia ier han blers pendularis ed auters viagiaturs stuì prender en cumpra sviaments, retards e temp da spetga. Ultra da quai hai era anc dà in disturbi da l'indriz da regulaziun en la regiun da Hindelbank nua ch'il traject Bern-Burgdorf è stada bloccada.

Er tranter Genevra e La Plaine hai dà retards pervi da la chalur che ha donnegià las rodaglias. Er pertutgads èn stads ils trens internaziunals sco TGV ed ICE.

Problems dad IT

L'SBB ha ultrad da quai da sbatter questa damaun cun problems da IT. Ils sistems da vender bigliets, l'urari online sco er ils sistems d'infurmar la clientella sajan mo per part disponibels, communitgescha la SBB.

RR novitads 06:00

Artitgels legids il pli savens