Siglir tar il cuntegn

Header

  1. Novitads
  2. Svizra
  3. Artitgel actual
cuntegn

Unda da chalira Valurs d'ozon creschan

Las valurs d'ozon èn anc ina giada s'augmentadas dapi l'entschatta da l'emna en l'entira Svizra. Quai mussa la charta d'ozon da l'Uffizi federal per l'ambient.

En il Tessin, il Mesauc ed a Genevra han las valurs d'ozon en l'aria per part gia surpassà las limitas federalas. Er en il Nord da la Svizra pudessi bainbaud capitar il medem. Perquai che ozon è ina furma da gas che vegn cunzunt producida entras il sulegl pudess l'aura dals proxims dis auzar vinavant las valurs.

En la gronda part dal Grischun percunter èn las valurs d'ozon il mument anc fitg bassas.

L'effect dad ozon sin sanadad

Avrir la box Serrar la box

L'ozon en l'aria fa donn a la sanadad: I po esser ch'ins survegn problems da trair flad u tuss. Per restar saun cusseglian ils uffizis d'ambient cunzunt d'evitar da far sport intensiv en il liber durant las uras che las valurs èn las pli autas, pia il suentermezdi. Per betg auzar anc pli fitg l'ozon en l'aria vegn plinavant cusseglià dad ir uschè pauc sco pussaivel cun auto. Plinavant ha ozon er consequenzas negativas per la vegetaziun ed il clima.

RR novitads 17:00

  1. Novitads
  2. Svizra
  3. Artitgel actual

Artitgels legids il pli savens

cuntegn dal modal
Menu

Tschertga

Navigaziun principala

Enquista en Modal

(Vegn avert en ina nova fanestra.)