Siglir tar il cuntegn
Inhalt

Svizra Unfrendas da mesiras repressivas survegnan agid direct

Passa 1'100 anteriurs uffants plazzads ed autras unfrendas da mesiras repressivas han survegnì agid finanzial ils dus onns passads.

Uffants plazzads.
Legenda: Anteriurs uffants plazzads ed unfrendas da mesiras repressivas. Keystone

En tut hajan las persunas survegnì 8,7 milliuns francs, uschia il delegà per las unfrendas en ina communicaziun. Mintgina da las passa 1'100 persunas haja survegnì tranter 4'000 e 12'000 francs.

La ministra da giustia Simonetta Sommaruga era sa perstgisada avant trais onns tar las unfrendas da mesiras repressivas ed aveva instradà in fond per l'agid direct. Il fond per l’agid direct è vegnì stgaffì l’onn 2014 per pudair gidar ad unfrendas en miserias finanzialas a moda nunbirocratica. Il fond vegn purtà da las baselgias chantunalas, dals chantuns, da las vischnancas e citads sco era d’organisaziuns e persunas privatas.

RR novitads 12:00