Il Cussegl federal ha decis da metter en vigur novs dretgs d’infurmaziun davart l’execuziun dal chasti, davart la relaschada u davart ina fugia dal delinquent. Fin uss valevan sumegliants dretgs mo durant la procedura penala. L’atun passà ha il parlament decis da schlargiar quests dretgs.
Uschia duai esser pussaivel a pertutgads tranter auter da guntgir inscunters betg giavischads cun delinquents. Las dumondas ston vegnir fatgas en scrit, e pon mo vegnir renviadas sch’ils interess dal sentenzià predomineschan.
RR Novitads 15:00