Siglir tar il cuntegn

Header

Navigaziun

Cannabis setgentà en in maun.
Legenda: Keystone
cuntegn

Svizra Uni da Berna lantscha project da perscrutar cannabis

L’universitad da Berna e la citad da Berna han preschentà ina nova proposta per perscrutar il diever ed il consum dal cannabis.

Il consum da cannabis en Svizra saja fitg derasà, co consumentas e consuments reguleschian però lur consum na saja strusch enconuschent, uschia il manader dal studi. D’intervegnir dapli en quest senn saja però impurtant. Nagin na sneghia numnadamain ch’il consum regular da cannabis ha potenzial da privel.

Retschertga online cun 5'000 persunas

Cun il studi vulan ils scienziads intervegnir tge strategias ch’èn pli utilas quai che pertutga l’ir enturn cun il cannabis. Cun emprims resultats èsi da quintar la fin da l’onn. Il studi cumpiglia ina retschertga online tar 5’000 persunas tschernidas per cas.

La basa legala

In emprim project da perscrutaziun per vender legalmain cannabis en apotecas aveva l’uffizi federal da sanadad betg approvà il 2017. La lescha vertenta na lubeschia betg quai, uschia la conclusiun. I stoppia vegnir agiuntà in artitgel d’experiment. Quai è entant vegnì prendì enta maun. En la consultaziun è ina maioritad dals chantuns s'exprimida a moda positiva davart quel.

RR novitads 16:00