Il sindicat UNIA ha lantschà ina campagna cunter mulestas sexualas durant l’emprendissadi. Ins stoppia far frunt al sexissem ed a mulestas sexualas, hai num en la communicaziun da l’UNIA. I dovria dapli prevenziun tar las scolas professiunalas sco er tar la plazza da lavur. Er dovria clers reglaments en scola e tar las interpresas.
Tenor ina retschertga da l’UNIA da l’onn passà èn bunamain 80% da las giuvnas ed 50% dals giuvens gia ina giada vegnids mulestads. Bunamain in terz sin la plazza da lavur.